U NAN Biełarusi abrali 16 novych akademikaŭ
17.11.2014 / 16:19
«Nacyjanalnaja akademija navuk Biełarusi padviała vyniki vybaraŭ novych pravadziejnych členaŭ (akademikaŭ) i členaŭ-karespandentaŭ. Vybrany 16 akademikaŭ i 28 členaŭ-karespandentaŭ»,
— rastłumačyli ŭ pres-słužbie Nacyjanalnaj akademii navuk Biełarusi.
Vybary adbylisia ŭ čas siesii Ahulnaha schodu NAN Biełarusi 13 i 14 listapada. Na 24 vakansii akademikaŭ i 39 vakansij členaŭ-karespandentaŭ pretendavali 40 i 118 kandydataŭ adpaviedna. Samy vialiki konkurs adznačany siarod kandydataŭ na zvańnie akademika pa śpiecyjalnaści «bijatechnałohija raślin» (čatyry čałavieki na miesca). Siarod kandydataŭ na zvańnie člena-karespandenta bolš za ŭsio pretendentaŭ było pa śpiecyjalnaści «technałohii mašynabudavańnia» (siem čałaviek na miesca).
Siarod novych akademikaŭ — try členy Biuro Prezidyuma Akademii navuk: pieršy namieśnik staršyni Prezidyuma NAN Siarhiej Čyžyk, namieśniki staršyni Prezidyuma NAN Siarhiej Kilin i Alaksandr Sukała, dva akademiki-sakratary Addzialeńniaŭ navuk NAN, piać dyrektaraŭ instytutaŭ Akademii navuk. Akademikam pa śpiecyjalnaści «kardyjachirurhija» staŭ viadomy kardyjachirurh, zahadčyk łabaratoryi chirurhii serca DU RNPC «Kardyjałohija» Juryj Astroŭski, pa śpiecyjalnaści «pryborabudavańnie» — dyrektar Navukova-techničnaha centra «ŁEMT» BiełOMA Alaksiej Škadarevič.
Siaredni ŭzrost navavybranych akademikaŭ — 61 hod.
Siarod 28 vybranych členaŭ-karespandentaŭ — dva akademiki-sakratary addzialeńniaŭ navuk NAN Biełarusi, šeść kiraŭnikoŭ arhanizacyj Akademii navuk, dyrektar AAT «KB Radar» — kirujučaja kampanija chołdynha «Sistemy radyjołakacyi» Siarhiej Kastramicki, šerah viadomych vučonych-miedykaŭ, u tym liku dyrektar RNPC traŭmatałohii i artapiedyi Alaksandr Bialecki, rektar Hrodzienskaha dziaržaŭnaha miedycynskaha ŭniviersiteta Viktar Śniažycki. Siaredni ŭzrost navavybranych členaŭ-karespandentaŭ — 60 hadoŭ.
Vybary akademikaŭ i členaŭ-karespandentaŭ NAN Biełarusi pravodziacca adzin raz u 2,5-3 hady ŭ miežach isnujučych vakansij pa śpiecyjalnaściach, što zacviardžajucca Prezidyumam NAN.