Łukašenka ŭručyŭ šerah dziaržuznaharod
Adpaviedny ŭkaz jon padpisaŭ 13 listapada.
17.11.2014 / 18:23
Ordenam «Za słužbu Radzimie» III stupieni ŭznaharodžany pałkoŭnik unutranaj słužby Vikiencij Varykaš, pałkoŭnik Alaksandr Minaŭ i hienierał-major unutranaj słužby Vasil Ściepanienka.
Ordena «Za asabistuju mužnaść» uhanaravany paśmiarotna staršy lejtenant milicyi Pavieł Hruździeŭ.
Ordenam Pašany adznačany hienieralny kanstruktar - načalnik navukova-techničnaha centra AAT «BIEŁAZ» — kirujučaja kampanija chołdynha «BIEŁAZ-CHOŁDYNH» Alaksandr Jahoraŭ, načalnik upraŭleńnia adukacyi i sacyjalna-kulturnaj sfiery Aparatu Savieta Ministraŭ Alena Sivałobava, staršynia savieta Minskaj haradskoj arhanizacyi vieteranaŭ vajny ŭ Afhanistanie «Pamiać» hramadskaha abjadnańnia «Biełaruski sajuz vieteranaŭ vajny ŭ Afhanistanie» Uładzimir Šokaŭ.
Rektar Mahiloŭskaha dziaržaŭnaha ŭniviersiteta charčavańnia Viačasłaŭ Šaršunoŭ uznaharodžany ordenam Francyska Skaryny.
Akramia taho, šerah vajennasłužačych, supracoŭnikaŭ MUS i MNS uznaharodžany miedalami «Za adznaku ŭ voinskaj słužbie», «Za adznaku ŭ achovie hramadskaha paradku», «Za adznaku ŭ papiaredžańni i likvidacyi nadzvyčajnych situacyj».
Miedalom Francyska Skaryny ŭznaharodžany artyst zasłužanaha kalektyvu Biełarusi ansambla narodnaj muzyki «Biasieda» Mikałaj Aleška, artyst-vakalist (salist) — viadučy majstar sceny Nacyjanalnaha akademičnaha Vialikaha teatra opiery i baleta Biełarusi Taćciana Haŭryłava, staršynia Homielskaha abłasnoha addzialeńnia hramadskaha abjadnańnia «Sajuz piśmieńnikaŭ Biełarusi» Uładzimir Haŭryłovič, dyrektar Minskaj dziaržaŭnaj himnazii-kaledža mastactvaŭ Liłija Micura. Hetaj ža ŭznaharody ŭdastojeny zahadčyk muzyčnaj častki fiłarmonii dla dziaciej i junactva Biełaruskaj dziaržaŭnaj ordena Pracoŭnaha Čyrvonaha Ściaha fiłarmonii Uładzimir Saŭčyk, mastacki kiraŭnik muzyčnaj haścioŭni Biełaruskaj dziaržaŭnaj ordena Pracoŭnaha Čyrvonaha Ściaha fiłarmonii Taćciana Starčanka, dekan fakulteta mižnarodnych adnosin BDU Viktar Šadurski, dekan fakulteta prafiesijnaha raźvićcia śpiecyjalistaŭ adukacyi Akademii paśladypłomnaj adukacyi Uładzimir Jančuk.
Hanarovaje zvańnie «Zasłužany dziejač kultury Respubliki Biełaruś» prysvojena hałoŭnamu redaktaru haziety «Respublika» ŭstanovy Administracyi prezidenta «Redakcyja haziety «Sovietskaja Biełorussiia» Anatołiju Lemiašonku, a taksama hienieralnamu dyrektaru Biełaruskaha dziaržaŭnaha maładziožnaha teatra Viktaru Staravojtavu.
Hanarovaje zvańnie zasłužanaha rabotnika sielskaj haspadarki Biełarusi prysvojena dyrektaru fiłijała «Siervaluks Ahra» SZAT «Siervaluks» Vasilu Mazuryku, hanarovaje zvańnie zasłužanaha budaŭnika Biełarusi — dyrektaru AAT «Upraŭleńnie miechanizacyi numar 79» Siarhieju Staraśvietavu i hienieralnamu dyrektaru AAT «Hrodnažyłbud» Alehu Uškieviču.
Staršamu trenieru nacyjanalnaj kamandy Biełarusi pa mastackaj himnastycy Viktoryi Kušnir prysvojena hanarovaje zvańnie zasłužanaha rabotnika fizičnaj kultury i sportu Biełarusi.
Hanarovaje zvańnie «Zasłužany trenier Respubliki Biełaruś» prysvojena trenieru-vykładčyku pa hreka-rymskaj baraćbie Barysaŭskaj śpiecyjalizavanaj dziciača-junackaj škoły alimpijskaha reziervu Alehu Ažyhavu i trenieru-vykładčyku pa viełasporcie Rečyckaj śpiecyjalizavanaj dziciača-junackaj škoły alimpijskaha reziervu numar 1 Piatru Chrytonavu.