Andrej Jahoraŭ pra Hunara Vihanda: «Dziŭny vizyt, dziŭnyja pytańni»
18.11.2014 / 23:53
«Dastatkova dziŭnaja sytuacyja z pryjezdam dosyć vysokaha eŭrapiejskaha čynoŭnika. Čamuści ŭsio trymajecca ŭ tajamnicy. Nakolki mnie viadoma z maich vartych davieru krynicaŭ, spadar Vihand siońnia sustrakajecca z asobnymi pradstaŭnikami hramadzianskaj supolnaści. Adnak ni Nacyjanalnaja platforma, jakaja isnuje ŭ miežach Forumu hramadzianskaj supolnaści «Ŭschodniaha partnerstva», ni pradstaŭniki prajektu «Reforum», jaki źviazany z padtrymkaj «Eŭrapiejskaha dyjalohu pa madernizacyi» «Ŭschodniaha partnerstva» na hetuju sustreču nie zaprošany. A takija struktury, dačynnyja da inicyjatyvaŭ «Uschodniaha partnerstva», pavinny być na padobnych sustrečach, i ich pazycyja pavinna ŭličvacca na tych pieramovach, jakija budzie vieści Hunar Vihand z kiraŭnictvam Biełarusi.
Da taho ž, na sustrečy spadara Vihanda z pradstaŭnikami hramadzianskaj supolnaści budzie vieścisia abmierkavańnie takich krychu dziŭnych pytańniaŭ, jak, da prykładu, pensijnaja reforma, dyspraporcyja raźvićcia biełaruskich rehijonaŭ, Balonski praces. Nijakaha abmierkavańnia sytuacyi z pravami čałavieka, palityčnaj sytuacyi, nakolki mnie viadoma, tam niama».