Sutyknieńnie «Nisana» i «Micubisi» pad Hrodnam: adzin čałaviek zahinuŭ, čaćviora paranienyja
23.11.2014 / 20:32
Jak paviedamlaje UUS Hrodzienskaha abłvykankama, 23 listapada pry ruchu z boku vioski Bruzhi kiroŭca «Nisana» parušyŭ praviły prajezdu skryžavańnia. Vyjazdžajučy na hałoŭnuju darohu, jon praihnaravaŭ patrabavańni darožnaha znaka. Pry pavarocie ŭ bok vioski Padlipki atrymaŭ vielmi mocny ŭdar ad pazadarožnika «Micubisi» ŭ pravy bok.
Kiroŭca pazadarožnika amal nie paciarpieŭ, čaho niemahčyma skazać pra ŭsich u sałonie lehkavoha «Nisana». Pasažyrka z zadniaha siadzieńnia, kudy pryjšłasia asnoŭnaja siła ŭdaru «Micubisi», pamierła na miescy avaryi. Kiroŭca «Nisana», jaho žonka, a taksama dvoje pasažyraŭ, ni adzin ź jakich na zadnim siadzieńni nie byŭ pryšpileny, špitalizavanyja.