Parašenka: Pytańnie ŭstupleńnia Ukrainy ŭ NATA budzie vyrašacca na refierendumie
24.11.2014 / 14:25
Prezident Ukrainy Piatro Parašenka na pres-kanfierencyi ŭ paniadziełak zajaviŭ ab tym, što kraina zmoža ŭstupić u Paŭnočna-atłantyčny aljans tolki ŭ vyniku refierendumu.
«Rašeńnie ab ustupleńni abo nieŭstupleńnie ŭ NATA — heta vyklučna kampietencyja ŭkrainskaha naroda. My napracavali kryteryi, pa jakich Ukraina budzie adkazvać patrabavańniam NATA. Tolki paśla ich dasiahnieńnia ŭkrainski narod na refierendumie zmoža vyrašyć, ustupać ci nie ŭstupać u NATA», — skazaŭ ukrainski prezident na sumiesnaj pres-kanfierencyi z kiraŭnikom Litvy Dalaj Hrybaŭskajcie.