U Homieli chulihany nažom pastryhli 24-hadovaha daŭhavałosaha chłopca
24.11.2014 / 15:46
Homielski haradski addzieł Śledčaha kamiteta rasśleduje spravu pa č. 3 art. 339 KK (asabliva złosnaje chulihanstva), zaviedzienuju ŭ dačynieńni da dvuch žycharoŭ abłasnoha centra.
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, uviečary 17 listapada žychar Homiela 1990 hoda naradžeńnia viartaŭsia dadomu i staŭ achviaraj złačynnych dziejańniaŭ ziemlakoŭ z-za doŭhich vałasoŭ.
«Nasustrač chłopcu išli nieznajomyja jamu mužčyny, adzin ź jakich abazvaŭ jaho patłatym i spytaŭ u spadarožnikaŭ, ci jość u kaho nož.
Jaho tavaryš praciahnuŭ jamu nož. Padazravany pastaviŭ chłopca na kaleni i abrezaŭ jamu vałasy nažom», — skazała Maryja Kryvanohava.
Paciarpieły vyklikaŭ milicyju. Narad pračasali mikrarajon Sielmaš, dzie adbyłosia złačynstva, i apieratyŭna zatrymaŭ padazravanych. U kancy minułaha tydnia im było pradjaŭlenaje abvinavačvańnie.
Abvinavačanyja — žychary Homiela 1982 i 1985 hoda naradžeńnia. Adzin ź ich pracuje zvarščykam, druhi - biespracoŭny. Jany źmieščanyja ŭ SIZA.