Niejtralizavana mižnarodnaja hrupoŭka na čale ź biełarusam, jakaja pastaŭlała spajsy ŭ rehijony Rasii
26.11.2014 / 16:46
Fiederalnaja słužba pa kantroli za narkotykami Rasii i MUS Biełarusi niejtralizavali mižnarodnuju hrupoŭku, jakaja pastaŭlała spajsy (sintetyčnyja narkotyki) u 15 rehijonaŭ Rasii. Jak pieradajuć RIA Novosti, pra heta paviedamiŭ 26 listapada dyrektar FSKN RF Viktar Ivanoŭ.
«Sumiesnaja praca FSKN Rasii i MUS Biełarusi dazvoliła niejtralizavać mižnarodnuju złačynnuju supolnaść, u jakuju ŭvachodzili troje biełaruskich hramadzian i čacviora rasijan», — skazaŭ Ivanoŭ.
Pavodle źviestak pres-słužby viedamstva, narkahrupoŭka, jakuju ŭznačalvaŭ hramadzianin Biełarusi, raspaŭsiudžvała partyi spajsaŭ praz tajniki-zakładki na terytoryi Maskvy, Ałtajskaha kraju, Baškiryi, Smalenskaj vobłaści i inšych rehijonaŭ Rasii.
Pavodle apieratyŭnych źviestak, sintetyčnyja narkotyki pastaŭlalisia ŭ Rasiju z krain azijackaha rehijona.
Śledstvam dakazana, što hrupoŭka lehalizavała bolš jak 5 miljonaŭ rubloŭ z dachodaŭ ad prodažu narkotykaŭ. Supracoŭniki FSKN kanfiskavali zvyš 200 tysiač razavych doz narkatyčnych srodkaŭ.