Kulturnaj stalicaj Biełarusi 2015 hoda stanie Brest
Takoje rašeńnie pryniata siońnia na pasiadžeńni kalehii Ministerstva kultury.
26.11.2014 / 19:33
Na status «Kulturnaja stalica Biełarusi 2015» pretendavali dva harady — Brest i Maładziečna.
Historyja horada naličvaje amal 1000 hadoŭ. Jon uvachodzić u trojku starejšych haradoŭ krainy razam z Połackam i Turavam.
Na 2015 hod zapłanavana praviadzieńnie 150 aryhinalnych respublikanskich i rehijanalnych tvorčych prajektaŭ, akcyj, forumaŭ, u pieršuju čarhu — da 70-hoddzia Vialikaj Pieramohi.
Status «Kulturnaja stalica Biełarusi» prysudžaŭsia piaci haradam: Połacku, Homielu, Niaśvižu i Mahilovu, dva ź ich — Homiel (2011) i Mahiloŭ (2013) — adnačasova mieli status «Kulturnaja stalica SND». U kožnym z haradoŭ prachodziła da 200 mierapryjemstvaŭ na praciahu hoda, u tym liku šmat inavacyjnych prajektaŭ, zornych kancertaŭ, muzyčnych i teatralnych premjer, mastackich vystavak.
Na kalehii taksama pryniata rašeńnie ab tym, što kulturnaja stalica 2016 hoda budzie vyznačana ŭ pieršaj pałavinie nastupnaha hoda. Heta daść mahčymaść horadu, budučaj kulturnaj stalicy, padrychtavacca da adkaznaj misii bolš abjomna i paŭnavartasna.