Łaŭkraft i Hiule pa-biełarusku: vyjšaŭ novy numar časopisa «Prajdziśviet»
03.12.2014 / 16:07
Nomar časopisa pierakładnoj litaratury «Prajdziśviet» staŭ 14. Układalniki dali jamu nazvu «Łabirynty inšaśvietu».
«U tvory, jakija trapili ŭ hety numar, nierealnaje prabirajecca pa-roznamu. Chtości z aŭtaraŭ raskazvaje pra svaje sny, chtości sprabuje ź ich paśmiajacca, a chtości biare čytača za ruku i vyvodzić jaho sa stanu ŭtulnaj rassłablenaści: hladzi, inšaśviet užo tut, i kab pabačyć jaho, nie treba navat zasynać», — napisali ŭkładalniki va ŭstupnym słovie.
Drukujucca ŭryvak z ramana Paŭła Hiule «Vajzer Davidzik» (aŭtar prezientuje raman u Minsku 9 śniežnia), vieršy Hienrycha Hajne, frahmienty z knihi «Sny snoŭ» Antonijo Tabuki, apaviadańni Hovarda Łaŭkrafta. Paznajomicca z numaram časopisa možna na sajcie prajdzisvet.org.