U pieršy dzień prodažu maniety z Astrožskim kala kramy Nacbanka vyciahnułasia daŭžeznaja čarha FOTAFAKT
Siońnia Nacbank Biełarusi pačaŭ prodaž pamiatnaj maniety z vyjavaj hietmana VKŁ Kanstancina Astrožskaha.
16.12.2014 / 12:04
Ad pačatku pracy kasy Centralnaha aparata NB RB pa vulicy Tałstoha, 6 u aŭtorak sabraŭsia doŭhi chvost ludziej.
Jak skazali «Našaj Nivie» numizmaty, jany ŭ šoku. Kažuć, nikoli takoha nie byvała. Uranku na vulicy ŭ čarzie stajała kala sta čałaviek.
Chtości choča nabyć manietu dla svajoj kalekcyi, chtości kuplaje jaje ŭ jakaści suvienira. U kasie kožnaj asobie pradajuć pa dźvie srebnyja ci miedna-nikielevyja maniety.
Treba zaŭvažyć, što mnohija ŭ čarzie reahavali na fatahrafavańnie nadzvyčaj niervova — adychodziać u bok ci naciahvajuć kapiušon. Adzin mužčyna navat zapatrabavaŭ u karespandenta «Našaj Nivy» zapłacić jamu, bo jaho sfatahrafavali biez dazvołu.