Były prezident Ukrainy zaklikaŭ nieadkładna padać zajaŭku na ŭstupleńnie ŭ NATA
29.12.2014 / 13:50
Były prezident Ukrainy Leanid Kraŭčuk i eks-premjer-ministr Jaŭhien Marčuk zaklikajuć kiraŭnictva krainy nieadkładna padać zajaŭku na siabroŭstva Ukrainy ŭ Arhanizacyi Paŭnočnaatłantyčnaj damovy (NATA).
Pra heta jany paviedamili na pres-kanfierencyi.
«Admiena pazabłokavaha statusu Ukrainy patrabuje ad ukrainskaj ułady nieadkładna adnavić jeŭraatłantyčny źniešniepalityčny kurs i padać zajaŭku na ŭstupleńnie ŭ NATA i spryjać praviadzieńniu ŭsieŭkrainskaha refierendumu ŭ padtrymku siabroŭstva Ukrainy ŭ NATA», - skazana ŭ zajavie inicyjatyŭnaj hrupy, kiraŭnikami jakoj zjaŭlajucca Kraŭčuk i Marčuk.
U dakumiencie havorycca, što prava Ukrainy na siabroŭstva ŭ NATA pacviardžajecca rašeńniami bucharesckaha samitu NATO ad 2008 hoda.
Inicyjatyŭnaja hrupa ličyć, što pytańnie ŭstupleńnia ŭ NATA niedapuščalna adkładać, bo Ukraina znachodzicca ŭ stanie vajennaha supraćstajańnia z Rasijaj.