Былы намеснік старшыні Вайсковага суда Беларусі асуджаны да 14 гадоў калоніі

30.12.2014 / 15:06

Былы намеснік старшыні Вайсковага суда Беларусі Юрый Тузаў асуджаны да 14 гадоў калоніі ўзмоцненага рэжыму.

Другі фігурант справы Сяргей Шымчук прысуджаны да 2 гадоў 6 месяцаў абмежавання волі з накіраваннем ва ўстанову адкрытага тыпу.

Юрый Тузаў абвінавачваўся ў здзяйсненні злачынстваў, прадугледжаных ч.3 арт.430 (атрыманне хабару) КК Беларусі.

Сваю віну былы намеснік старшыні суда не прызнаў.

Сяргей Шымчук абвінавачваўся ў здзяйсненні злачынстваў, прадугледжаных ч.6 арт.16 (саўдзел у злачынстве) і ч.2 арт.431 (дача хабару) КК Беларусі. Ён цалкам прызнаў сваю віну.

БелТА