У «ЛНР» пачаліся забастоўкі настаўнікаў
10.01.2015 / 11:23
9 студзеня настаўнікі часова акупаваных тэрарыстамі Антрацыта і Алчэўска Луганскай вобласці правялі масавыя забастоўкі.
Пра гэта паведамляе сайт ОстроВ са спасылкай на ўласную крыніцу.
«Настаўнікам з кастрычніка не плацілі ні заробкаў, ні сацвыплат, ні пенсій. Наогул не плацілі ніякіх грошай», — піша выданне.
Паведамляецца, што 9 студзеня настаўнікі масава адмовіліся выходзіць на працу. А ініцыятыўная група калектыву педагогаў збіраецца ехаць у Луганск на прыём да кіраўніка «ЛНР» Ігара Платніцкага.