Zeman: U budučyni Jeŭrasajuz ustupić u Rasijskuju Fiederacyju
23.04.2015 / 16:04
Jeŭrasajuz u budučyni ŭstupić u skład Rasijskaj Fiederacyi, ličyć prezident Čechii Miłaš Zeman, pra što jon zajaviŭ u intervju Češskamu radyjo.
AP
«U mianie jość mara. U doŭhaterminovaj budučyni Rasijskaja Fiederacyja budzie členam Jeŭrasajuza. Kali vam nie padabajecca, dumajcie, što Jeŭrasajuz ustupaje ŭ Rasijskuju Fiederacyju. Ale vynik budzie toj ža samy», — ličyć prezident Čechii.
Jon adznačyŭ, što ekanomiki Rasii i Jeŭrasajuza majuć patrebu adna ŭ adnoj. Akramia taho, Zeman skazaŭ, što maryć ab sumiesnaj baraćbie RF i JES suprać teraryzmu.
«U Rasii jość svaje terarysty, u nas u Jeŭropie — svaje, u amierykancaŭ było 11 vieraśnia. Čamu b nie abjadnacca ŭ hetaj baraćbie? Na maju dumku, heta samaja hałoŭnaja pahroza dla našaj cyvilizacyi, jakaja ŭklučaje ŭ siabie Dastajeŭskaha, Sałžanicyna i mnohich inšych», — skazaŭ Zeman.