Сёння вельмі важны матч: Беларусь — Данія

Сёння на чэмпіянаце свету па хакеі ў чэшскім горадзе Острава, зборная Беларусі правядзе трэцюю гульню. А 17:15 пачнецца матч супраць зборнай Даніі.

05.05.2015 / 08:31

Гульню пакажа ў прамым эфіры тэлеканал «Беларусь-1».

Беларусы ў першым матчы перамаглі Славенію (4:2), а ў другім у авертайме саступілі Славакіі — 1:2.

У нядзелю беларусы прайгралі Славакіі ў авертайме 1:2, фота Вячаслава Федарэнкава, hockey.by

Сённяшняя перамога амаль захавае Беларусь ад вылету з эліты і палепшыць шанцы на плэй-оф.

7 мая падапечныя Дэйва Льюіса згуляюць з ЗША, 9 мая — з Расіяй, 11 мая — з Фінляндыяй і 12 мая з пакуль вельмі слабой Нарвегіяй.

Група В: ЗША — 9 (3 гульні), Расія, Фінляндыя — 6 (3), Славакія — 4 (2), Беларусь — 4 (2), Данія — 1 (2), Славенія — 0 (2), Нарвегія — 0 (3).