Akunin pradaŭ pravy na ekranizacyju «Fandoryna» brytancam
05.05.2015 / 14:56
Rasijski piśmieńnik Barys Akunin pradaŭ pravy na ekranizacyju svaich ramanaŭ pra Erasta Fandoryna brytanskamu telekanału, pra što jon sam paviedamiŭ u Fejsbuku.
«Pakolki rasijskija telekanały z niekatorych časoŭ zusim stracili cikavaść da dalejšych ekranizacyj «Pryhodaŭ Erasta Fandoryna», ja zaklučyŭ kantrakt z brytancami. Tak što Erast Petrovich ciapier budzie havaryć na ekranie nie pa-rusku, a pa-anhlijsku», — skazaŭ Akunin.
Kanał, ź jakim padpisana damova, a taksama biudžet i terminy vypusku filma Akunin nie nazvaŭ, spasłaŭšysia na ŭmovy nierazhałošvańnia.
U piłotny siezon sieryjała pavinny ŭvajści teleadaptacyi troch ramanaŭ — «Śmierć Achilesa», «Stacki daradca» i «Karanacyja».