Навальніцы, моцныя дажджы і шквалісты вецер чакаюцца сёння па захадзе Беларусі з 15.00 да 21.00
06.05.2015 / 13:45
Пра гэта паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
«Гэта звязана з выхадам на тэрыторыю краіны актыўных атмасферных франтоў», — удакладніў спецыяліст. На захадзе Беларусі пры навальніцах можа адзначацца ўзмацненне ветру да 15-20 м/с.
Паводле інфармацыі Дзмітрыя Рабава, у бліжэйшыя суткі на большай частцы краіны, уключаючы Мінск, прагназуюцца моцныя дажджы.
Ноччу і раніцай у многіх раёнах прагрымяць навальніцы. Месцамі магчымы парывы ветру да 15-20 м/с.