Łukašenka padziakavaŭ ZŠA i Jeŭropie za padarunak Biełarusi

Miralubnaja biełaruskaja palityka pasłužyła padstavaj dla admieny sankcyj suprać Biełarusi. Pra heta zajaviŭ siońnia žurnalistam Alaksandr Łukašenka.

30.12.2015 / 13:25

president.gov.by

Kranajučy ŭkrainskuju tematyku, kiraŭnik dziaržavy vykazaŭ mierkavańnie, što «nam nie treba pierabolšvać svaju rolu va ŭrehulavańni hetaha kanfliktu». «Našu pazicyju možna vitać, bo ŭsiudy i zaŭsiody Biełaruś, kiraŭnictva Biełarusi vystupaje za mir, — adznačyŭ kiraŭnik Biełarusi. — My nie prymajem vajny, nie prymajem nijakich kanfliktaŭ, budź to va Ukrainie, Siryi, Livii, Iraku. My hetaha nie prymajem, heta naša pazicyja».

«I toje, što adbyłosia ŭ Minsku, vy viedajecie, ja b skazaŭ, što heta pavinna było adbycca ŭ Minsku, bo ŭ śviecie niama inšaj dziaržavy, jakaja była b tak prychilna miru. Padmurak hetaha — taja pieramoha, jakaja adbyłasia 70 hadoŭ tamu», — pierakanany kiraŭnik dziaržavy.

Kažučy pra minskija damoŭlenaści i mirnyja sustrečy ŭ Biełarusi pa ŭkrainskaj tematycy, Łukašenka padkreśliŭ: «Tamu padzieja, jakaja adbyłasia, jana była vielmi važnaj — dla Ukrainy pierš za ŭsio, dla Rasii, dla našaha kantynienta, dla hetaha rehijonu.

Ale jana dała šturšok, pasłužyła pryčynaj, i navat nie pryčynaj, a padstavaj (heta jak padarunak Zachadu) dla admieny suprać nas roznaha rodu sankcyj. Im patrebien byŭ niejki taki mahutny šturšok, i jany, atrymaŭšy jaho, hetym skarystalisia».

«Nu, što tut hrachu taić, za heta treba im padziakavać, ciapierašnim jeŭrapiejskim palitykam, Złučanym Štatam. Za toje, što jany, skarystaŭšysia hetym vypadkam, šancam dla nas i siabie adyšli ad hetaj kanfrantacyi ź Biełaruśsiu», — vykazaŭ mierkavańnie kiraŭnik dziaržavy.

BiełTA