U studzieni na niebie: mieteorny doždž, kamieta i parad płaniet
03.01.2016 / 14:16
U noč z 4 na 5 studzienia na niebie možna budzie nazirać da 200 padajučych zorak u hadzinu! Mieteornaja płyń Kvadratydy sutykniecca ź Ziamloj.
Ubačyć zorny doždž možna budzie za horadam, u słaba aśvietlenych miescach, kali nieba nie zaciahnie abłokami.
A 17 studzienia kamieta Katalin maksimalna blizka padyjdzie da našaj płaniety. Ubačyć jaje možna budzie ŭ binokl ci amatarski teleskop.
Parad płaniet adbudziecca ŭ niebie 31 studzienia. U hetuju noč u adzin šerah pašychtujucca Miesiac, Mierkuryj, Vieniera, Mars, Jupiter i Saturn.