Litaraturaznaŭcu Uładzimiru Karotkamu – 60
03.01.2016 / 18:11
Biełaruskamu litaraturaznaŭcu, kandydatu fiłałahičnych navuk, dacentu kafiedry historyi biełaruskaj litaratury Biełdziaržuniviersiteta Uładzimiru Karotkamu 2 studzienia spoŭniłasia 60 hadoŭ.
Uładzimir Karotki naradziŭsia ŭ miastečku Mir Karelickaha rajona, a jahonyja školnyja hady prajšli ŭ Słonimie. Paśla zakančeńnia Biełdziaržuniviersiteta, jon zajmajecca vyvučeńniem historyi i teoryi litaratury, tekstałohijaj, daśledavańniem starabiełaruskaj litaratury epochi Reniesansu i Baroka. Hruntoŭna daśleduje žyćcio i tvorčaść Mialecija Smatryckaha. U druku apublikavaŭ bolš za 170 daśledčych artykułaŭ pa staražytnaj biełaruskaj litaratury.