Maskoŭski śpiecnazaviec zahinuŭ pry sprobie vyratavać sabaku
05.01.2016 / 18:00
Bajec śpiecyjalnaha atrada chutkaha reahavańnia «Ryś» Kanstancin Vołkaŭ zahinuŭ, ratujučy sabaku z-pad kołaŭ elektryčki ŭ Maskvie.
31-hadovy Vołkaŭ vyhulvaŭ svajho baksiora pobač z čyhunačnaj płatformaj «Novahirejeva». Padčas prahułki śpiecnazaviec spuściŭ sabaku z łancužka, i toj pabieh na čyhunačnyja šlachi.
Pa śviedčańniach vidavočcaŭ, Vołkaŭ, spałochaŭšysia za žyćcio hadavanca, saskočyŭ z płatformy, schapiŭ sabaku i vyšturchnuŭ jaho na procilehłuju płatformu. Paśla hetaha jon pasprabavaŭ i sam padniacca na jaje, ale nie paśpieŭ i byŭ źbity ciahnikom.
Ad atrymanych traŭmaŭ śpiecnazaviec pamior na miescy zdareńnia. Sabaka nie paciarpieŭ, z płatformy jaho zabrali kalehi zahinułaha.
Pa słovach kalehaŭ Vołkava, u jaho byŭ krapavy bieret. Da pierachodu ŭ SACHR jon słužyŭ u śpiecnazie ŭnutranych vojskaŭ «Ruś» i prymaŭ udzieł u bajavych dziejańniach. U zahinułaha zastalisia žonka i dzicia.