Morgan Stanley pradkazaŭ padzieńnie cenaŭ na naftu jašče na 25%
11.01.2016 / 14:17
Nafta vielmi adčuvalnaja da dalara i moža abvalicca jašče na 10—25%, kali amierykanskaja valuta ŭmacujecca na 5%, piša Bloomberg, što aznajomiŭsia z analityčnaj zapiskaj ekśpiertaŭ banka Morgan Stanley, datavanaj 11 studzienia.
U dakumiencie havorycca, što da $60 za baral nafta ŭpała z pryčyny zatavaranaści rynku, ale ŭ dalejšym źnižeńniem da $35 jana abaviazanaja ŭ asnoŭnym dalaru.
«Z ulikam umacavańnia amierykanskaha dalara mahčymyja scenary z canoj nafty ŭ $ 20—$25, što adbudziecca vyklučna dziakujučy valucie, — śćviardžajuć analityki. — Na canu nafty praciahvajuć upłyvać dalar ZŠA i niefundamientalnyja faktary».
Ekśpierty Morgan Stanley padkreślili, što nafta pa $20 mahčymaja, ale nie pa tych pryčynach, jakija nazyvajucca čaściej za ŭsio. «Havorka idzie nie pra paharšeńnie bazavych faktaraŭ», - adznačajecca ŭ zapiscy.
Analityki banka rastłumačyli, što pry ŭmacavańni dalara na 3,2%, što vynikaje z mahčymaj devalvacyi juania na 15%, nafta budzie kaštavać krychu nižej za $30/ bar, ale kali za kitajskaj valutaj abrynucca inšyja, to dalar pojdzie dalej u rost, i cana barala praciahnie źnižacca.