У парыжскім Дыснэйлэндзе затрыманы ўзброены мужчына
28.01.2016 / 19:53
Мужчына з агнястрэльнай зброяй і Каранам быў затрыманы на ўваходзе гасцініцы ў парыжскім Дыснэйлэндзе, паведамляюць французскія СМІ.
28-гадовы мужчына да гэтага не прыцягваў увагу спецслужбаў і не стаў аказваць супраціў падчас затрымання.
Афіцыйных каментароў аб тым, што здарылася, пакуль не паступала.
У Францыі па-ранейшаму дзейнічае рэжым надзвычайнага становішча, уведзены пасля нападаў у Парыжы 13 лістапада.