Nie da adpačynkaŭ! U lipieni biełarusy pradali rekordny abjom valuty
Biełarusy ŭ lipieni rezka stracili cikavaść da nabyćcia valuty.
06.08.2016 / 11:16
U lipieni kupla nasielnictvam najaŭnaj valuty źniziłasia na 37,9% u paraŭnańni ź minułym miesiacam paśla rostu na 32,5% u červieni. Za miesiac biełarusy nabyli ŭsiaho 293,5 młn dalaraŭ najaŭnymi. Pry hetym zakupki valutaj, źviazanyja s siezonam adpačynku, zharnulisia značna raniej, čym letaś.
Jak paviedamlaje pres-słužba Nacbanka Biełarusi, prodaž nasielnictvam najaŭnaj valuty ŭ lipieni źniziŭsia na 5,4% da 577,8 młn dalaraŭ. Abjom čystaha prodažu valuty (pieravyšeńnie abjomu pradadzienaj nasielnictvam valuty nad nabytaj) składaje rekordnyja sioleta 284,3 młn dalaraŭ.
Pakul tendencyi, ahučanyja Nacbankam, całkam paćviardžajucca: u nasielnictva pry źnižeńni ŭzroŭniu dachodaŭ zachoŭvajecca zvyčka da spažyvańnia, jakaja padaje mienš za dachody, heta značyć, što ludzi traciać źbieražeńni. U pryvatnaści, nasielnictva zdaje za miesiac prykładna 200 młn dalaraŭ (u lipieni navat bolš), a z depazitaŭ zdymaje tolki kala 100 młn «Heta značyć jašče 100 młn dalaraŭ nasielnictva dastaje z-pad matracaŭ, jak u nas kažuć», — skazaŭ načalnik hałoŭnaha ŭpraŭleńnia manietarnaj palityki i ekanamičnaha analizu Nacbanka Dźmitryj Muryn.