Forma biełarusaŭ z vyšyvankami trapiła ŭ alimpijadny Top pa viersii USA Today
+ uvieś rejtynh z abhruntavańniami
06.08.2016 / 20:39
Usie krainy tradycyjna šmat uvahi nadajuć kamandnaj formie na Alimpijskich hulniach. Nad joj pracujuć najlepšyja dyzajniery, jakija sprabujuć zrabić jaje jak maha bolš stylnaj, ale takoj, kab jana zastavałasia kamfortnaj dla spartśmienaŭ. Mienavita pa hetym kryteram Mehi Chiendryks (Maggie Hendricks), karespandent vydańnia USA Today Sport adabrała 17 najlepšych madelaŭ adzieńnia na paradzie nacyj, jaki adbyŭsia ŭčora ŭ Rya. Fota apublikavanyja ŭ advolnym paradku, piša vydańnie.
MANHOŁIJA (AP Photo/Matt Slocum). Jarkaja, nasyčanaha koleru forma, z akcentam na niezvyčajnym dyzajnie žanočych spadnic.
IZRAIL (AP Photo/Patrick Semansky). Jak jany zdoleli pašyć nastolki stylovyja spartovyja kurtki?
INDYJA (AP Photo/Patrick Semansky). Mužčyny ź Indyi byli apranutyja davoli sumna, ale žanočyja sary šykoŭnyja.
DAMINIKA (AP Photo/David Goldman). Kamizelka daje foru.
BARBADAS (EPA/ESTEBAN BIBA). Kolery i detali adzieńnia adsyłajuć da koleraŭ nacyjanalnaha ściaha. U Barbadasa usio heta spałučajecca z pryhožym krojem i pryhožymi ludźmi, jakija viedajuć, jak vyhladać pryvabna.
BIENIN (EPA/TATYANA ZENKOVICH). Pryjemnyja kolery i pryhožyja elemienty adzieńnia spałučajucca z vydatnymi kapielušami.
ARUBA (EPA/TATYANA ZENKOVICH). Kolery, chvalepadobny ŭzor, ašałamlalnyja kapielušy — ja chacieła b prybracca tak na plažnaje viasielle.
INDANIEZIJA (Jack Gruber — USA TODAY Sports). Da hetych ubrańniaŭ užo niama čaho dadać.
VIALIKABRYTANIJA (AP Photo/Charlie Riedel). Kurtki brytancaŭ zdajucca davoli sumnymi śpieradu, ale sa śpiny?.. A tam — cudoŭnaja emblema hetaj alimpijskaj zbornaj.
VIENHRYJA (AP Photo/Matt Slocum). Cikava, ci jość dzieści takija ž žanočyja sukienki ŭ prodažy? Zadaju pytańnie, bo chaču takuju ž.
DŽYBUCI (EPA/ESTEBAN BIBA). U spadnicy adčuvaješ siabie kamfortna, u joj dobra vyhladaješ. Kožnaj žančynie heta viadoma. Ciapier hetuju tajamnicu viedaje i ŭsia delehacyja z Džybuci.
KANADA (AP Photo/Charlie Riedel). Jak i ŭ Vialikabrytanii, u Kanady davoli panyłyja kurtki śpieradu, a sa śpiny? Oh yeah!
BIEŁARUŚ (AP Photo/Matt Slocum). Forma vyhladaje jak zvyčajny dziełavy harnitur, ale zirnicie na mužčynskija kašuli. Arnamient na kašuli toj ža, što i na ściahu, arnamient raspracavany na asnovie miascovych raślinnych i kvietkavych matyvaŭ.
Alimpijskaja zbornaja biežancaŭ (Kyle Terada — USA TODAY Sports). Zirnicie na ich halštuki. Na halštukach kropki roznych koleraŭ jak simvał roznych krain, ź jakich pryjechali atlety. Heta vyklikaje simpatyju.
SIERBIJA (AP Photo/Patrick Semansky). Usia razynačka — u kambinacyi spadnic i tuflaŭ.
ŠVIECYJA (AP Photo/David J. Phillip). U formie prysutničaje i chudzi, i ciul — i ŭsio roŭna jana vyhladaje pryvabna.
ŚIERA-LEONIE (EPA/ESTEBAN BIBA). Jak i ŭ vypadku ź Vienhryjaj — dzie ja mahu kupić hetuju spadnicu?