Pamierła dačka Mikity Chruščova Rada Adžubiej
13.08.2016 / 13:00
Dačka byłoha kiraŭnika CK KPSS Mikity Chruščova Rada Adžubiej pamierła na 88-m hodzie žyćcia, paviedamlaje radyjostancyja «Echo Moskvy», spasyłajučysia na jaje rodnych.
Fota RIA Novosti / Uładzimir Viatkin
«Rada Adžubiej pamierła va ŭzroście 87 hadoŭ… Jana pamierła ŭ adnoj z balnic», — havorycca ŭ paviedamleńni.
Dačka Mikity Chruščova ad druhoha šlubu naradziłasia ŭ 1929 hodzie ŭ Kijevie. U 1952 hodzie jana skončyła MDU, paśla čaho pracavała žurnalistam. Jašče studentkaj jana vyjšła zamuž za svajho adnakurśnika Alaksieja Adžubieja, jaki potym byŭ hałoŭnym redaktaram haziet «Komsomolskaja pravda» i «Iźviestija».
Bolš za 50 hadoŭ Rada Adžubiej prapracavała ŭ časopisie «Nauka i žizń».