Лукашэнка даручыў прывесці ў парадак тэрыторыю вакол Свіслачы
02.09.2016 / 16:38
Аляксандр Лукашэнка даручыў прывесці ў парадак тэрыторыю вакол ракі Свіслач у Мінску.
«Планаў безліч, мы плануем нешта вялікае, а вы паглядзіце, што ў цэнтры горада робіцца з гэтай воднай паверхняй. Пачалі разбурацца набярэжныя і да таго падобнае. Таму я даручыў прывесці іх пакуль у парадак», — сказаў Лукашэнка.
«Можа, мы калі-небудзь будзем іх мадэрнізаваць, калі грошы з'явяцца. Але галоўнае не ў тым, каб усё ў мармур або граніт абраміць. Але прывесці трэба ў парадак тое, што ёсць. Гэту работу трэба хутка завяршыць. Аднавіць тое, што было. Таму што ўсё роўна давядзецца да гэтага вяртацца», — дадаў кіраўнік дзяржавы.