Astranomy apublikavali samuju padrabiaznuju kartu Mlečnaha šlachu
15.09.2016 / 22:17
Jeŭrapiejskaje kaśmičnaje ahienctva apublikavała najbolš detalovuju kartu Mlečnaha šlachu i susiednich hałaktyk. Vyjava zmantavanaja z kadraŭ, zroblenych spadarožnikam Gaia za 1000 dniej.
U siaredzinie vyjavy raźmieščanaja tak zvanaja hałaktyčnaja płoskaść Mlečnaha šlachu, dzie skancentravanaja bolšaść zorak. Dzie bieły koler jarčejšy — tam bolš zorak. Čorny koler pasiarod zorak — heta mižzorkavaje asiarodździe.
Sprava ŭnizie pakazany Mahiełanavyja Abłoki — dźvie hałaktyki, jakija kruciacca vakoł Mlečnaha šlachu. A źleva možna razhladzieć hałaktyku Andramiedy, bližejšuju da Mlečnaha šlachu vialikuju hałaktyku.
Fota: Gaia / ESA. Karcinku ŭ vielizarnym razroźnieńni možna spampavać tut.
Spadarožnik Gaia byŭ zapuščany ŭ 2013 hodzie. U jaho zadačy ŭvachodzić stvareńnie najbolš padrabiaznaj karty raźmierkavańnia zorak u Mlečnym šlachu, a taksama adkryćcio ekzapłaniet.