U Tarasavie pad Minskam adkryli pamiatny znak u honar 500-hoddzia vioski FOTA
25.09.2016 / 13:40
Vioska Tarasava 24 vieraśnia adśviatkavała 500-hoddzie.
Tut prajšoŭ chresny chod. Miascovyja žychary i śviatary sustrakali abraz Božaj Maci «Adzihitryja». Pracesiju supravadžali kursanty i arkiestr-ansambl Instytuta pahraničnaj słužby.
Paśla sustrečy ikony staršynia Ždanovickaha sielskaha vykanaŭčaha kamiteta Ała Dubko pavinšavała žycharoŭ vioski z 500-hoddziem i razam z deputatam Ždanovickaha sielskaha savieta deputataŭ Uładzimiram Pinčukom adkryła pamiatny znak u honar 500-hoddzia Tarasava.
Historyja Tarasava ciesna źviazanaja imionami kniazioŭ Astrožskich, bo vioska ŭvachodziła ŭ ich rodavyja ŭładańni. A na śviacie ŭ honar 500-hoddzia hłybokaje pahružeńnie ŭ historyju zabiaśpiečyŭ rycarski pajadynak.