У нядзелю да +25

01.10.2016 / 13:14

Да 25 градусаў цяпла прагназуецца 2 кастрычніка па поўдні Беларусі, паведамілі ў Гідрамеце.

У нядзелю, 2 кастрычніка, небяспечных метэаралагічных з'яў не чакаецца. Будзе пераменная воблачнасць, месцамі кароткачасовыя дажджы. Уначы і раніцай дзе-нідзе слабы туман. Вецер паўднёвы, умераны.

Тэмпература паветра ўначы складзе 9—14 градусаў цяпла, месцамі па Віцебскай вобласці - 6-8 са знакам плюс.

Максімальная тэмпература днём чакаецца ад 17 градусаў цяпла па поўначы, да 25 па поўдні краіны.