Па запрашэнні польскага боку: Макей з афіцыйным візітам едзе ў Варшаву
08.10.2016 / 08:47
Фота Вадзіма Заміроўскага
Рабочы візіт міністра замежных спраў Уладзіміра Макея ў Польшчу адбудзецца 10 кастрычніка. Як паведамляе прэс-служба беларускага МЗС, кіраўнік ведамства едзе туды па запрашэнні яго польскага калегі Вітольда Вашчыкоўскага.
«Візіт прымеркаваны да 25-годдзя падпісання Дэкларацыі аб добрасуседстве, узаемным прызнанні і супрацоўніцтве паміж Рэспублікай Беларусь і Рэспублікай Польшча», — гаворыцца ў паведамленні.
Запланавана правядзенне сустрэч з міністрам замежных спраў Вітольдам Вашчыкоўскім, іншымі прадстаўнікамі кіраўніцтва Польшчы для абмеркавання актуальных пытанняў двухбаковага супрацоўніцтва.