Pa zaprašeńni polskaha boku: Makiej z aficyjnym vizitam jedzie ŭ Varšavu
08.10.2016 / 08:47
Fota Vadzima Zamiroŭskaha
Rabočy vizit ministra zamiežnych spraŭ Uładzimira Makieja ŭ Polšču adbudziecca 10 kastryčnika. Jak paviedamlaje pres-słužba biełaruskaha MZS, kiraŭnik viedamstva jedzie tudy pa zaprašeńni jaho polskaha kalehi Vitolda Vaščykoŭskaha.
«Vizit prymierkavany da 25-hoddzia padpisańnia Dekłaracyi ab dobrasusiedstvie, uzajemnym pryznańni i supracoŭnictvie pamiž Respublikaj Biełaruś i Respublikaj Polšča», — havorycca ŭ paviedamleńni.
Zapłanavana praviadzieńnie sustreč ź ministram zamiežnych spraŭ Vitoldam Vaščykoŭskim, inšymi pradstaŭnikami kiraŭnictva Polščy dla abmierkavańnia aktualnych pytańniaŭ dvuchbakovaha supracoŭnictva.