Piaskoŭ: Rasija pavinna vyzvalić Siryju ad terarystaŭ
22.10.2016 / 14:21
Zadača Rasii ŭ Siryi zaklučajecca ŭ vyzvaleńni jaje ad terarystyčnych arhanizacyj i ŭ praduchileńni jaje raspadu, zajaviŭ pres-sakratar rasijskaha prezidenta Dźmitryj Piaskoŭ.
ria.ru
«Punkt časovaha bazavańnia abo baza — heta nie meta, a srodak dla dasiahnieńnia mety. A meta adrazu była dekłaravanaja prezidentam — heta dapamoha siryjskim lehitymnym uładam u baraćbie z teraryzmam, u baraćbie ź ID i inšymi terarystyčnymi arhanizacyjami», - skazaŭ Piaskoŭ u intervju rasijskamu telebačańniu ŭ subotu.
«Terytoryju Siryi treba vyzvalać. I treba zrabić usio mahčymaje, kab pieraškodzić dzialeńniu krainy na niejkija vytvornyja. Heta moža mieć samyja katastrafičnyja nastupstvy dla ŭsiaho rehijonu», — papiaredziŭ pres-sakratar Uładzimira Pucina, dadaŭšy, što nie bačyć pierśpiektyŭ vyrašeńnia siryjskaha kanfliktu u ahladnaj budučyni.
Na dumku Dźmitryja Piaskova, jość tolki dva šlachi: abo ŭ Damasku siadzić Asad, abo ŭ Damasku siadzić «Front an-Nusra». «Treciaha varyjantu zaraz nie isnuje. I kab vyjści na palityčnaje ŭrehulavańnie, u Damasku pavinien siadzieć Asad», - zrabiŭ vysnovu Piaskoŭ.
Pavodle jaho słoŭ, kali ŭ Damasku zasiaduć terarysty, nie budzie nijakaha palityčnaha ŭrehulavańnia. «Tady ni da jakich haspadaroŭ, ni da niejkich lalkavodaŭ hetyja terarysty prysłuchoŭvacca nie buduć. Tady pačnucca novyja chvali biežancaŭ, novyja hruzaviki ŭ Kanach, nie daj Boh, i da taho padobnaje», - reziumavaŭ pres-sakratar Uładzimira Pucina.