У МЗС Расіі пацвердзілі ўзлом афіцыйнага сайта
Афіцыйны прадстаўнік расійскага МЗС Марыя Захарава пацвердзіла ўзлом афіцыйнага сайта міністэрства.
23.10.2016 / 16:54
Будынак МЗС Расіі. Фота: РІА «Новости» / Наталля Селіверстава
«Сайт узламаны. Кім - гэта высвятляюць спецыялісты», — сказала Захарава радыёстанцыі «Говорит Москва».
Раней СМІ паведамілі, што сайт узламаў амерыканскі хакер, які нібыта хацеў адпомсціць за маштабную кібератакі ў пятніцу, калі часова быў прыпынены доступ да часткі папулярных амерыканскіх сайтаў. На думку хакера, за гэтай атакай стаіць Расія.