Prezident Turcyi pryjedzie ŭ Minsk 11 listapada

09.11.2016 / 16:41

Pres-słužba prezidenta Biełarusi paviedamiła pra aficyjny vizit u Minsk Redžepa Taipa Erdahana.

Pieramovy kiraŭnikoŭ Biełarusi i Turcyi Alaksandra Łukašenki i Redžepa Taipa Erdahana adbuducca 11 listapada ŭ Pałacy Niezaležnaści. «Kiraŭniki dziaržaŭ abmiarkujuć šyroki kompleks pytańniaŭ raźvićcia miždziaržaŭnych adnosin z akcentam na aktyvizacyju handlova-ekanamičnaha supracoŭnictva, abmianiajucca pohladami pa prablematycy rehijanalnaha i mižnarodnaha paradku dnia. Pa vynikach pieramoŭ čakajecca padpisańnie šerahu dvuchbakovych dakumientaŭ», — havorycca ŭ paviedamleńni pres-słužby.

Paviedamlajecca taksama, što ŭ ramkach vizitu Erdahan i Łukašenka voźmuć udzieł u biełaruska-tureckim biznes-forumie i ŭ cyrymonii adkryćcia Sabornaj miačeci ŭ Minsku.

Pieršapačatkova adkryćcio miačeci z udziełam dvuch prezidentaŭ płanavałasia 29 lipienia, adnak vizit Erdahana byŭ pieraniesieny na niavyznačany termin z-za sproby dziaržaŭnaha pieravarotu ŭ Turcyi. Z-za hetaha pieranieśli i cyrymoniju adkryćcia chrama.