U Pakistanie terakt u chramie zabraŭ žyćci bolš za 50 čałaviek
Vybuch adbyŭsia ŭ dvary maŭzaleja Šacha Nurani, dzie dla ŭdziełu ŭ štodzionnym rytualnym tancy sabralisia sotni čałaviek. Adkaznaść uziali na siabie terarysty «ID».
13.11.2016 / 10:05
Ranienych transpartujuć u balnicy
Bolš za 50 čałaviek zahinuli ŭ vyniku vybuchu ŭ chramie pablizu pakistanskaha horada Chub u subotu, 12 listapada, paviedamlaje DW. Paranienych dziasiatki, kolkaść achviar raście. Ich transpartujuć u balnicy najbujniejšaha horada krainy Karačy, jaki znachodzicca za sto kiłamietraŭ ad Chuba.
Horad Chub znachodzicca ŭ pravincyi Biełudžystan, jakaja ličycca adnym z samych niebiaśpiečnych rehijonaŭ u krainie. Tolki ŭ kancy kastryčnika ŭ vyniku napadu bajevikoŭ na palicejskaje vučylišča tam zahinuła bolš za 60 čałaviek, a ŭ žniŭni ŭ vyniku padryvu terarysta-śmiarotnika — bolš za 70. Adkaznaść za napady, u tym liku za vybuch, što adbyŭsia ŭ subotu, uziała na siabie isłamisckaja hrupoŭka «Isłamskaja dziaržava».