Donald Tramp adpraŭlaje ŭ adstaŭku tracinu pasłoŭ
06.01.2017 / 22:20
Šerah amierykanskich pasłoŭ pavinny buduć syści ŭ adstaŭku jašče da inaŭhuracyi abranaha prezidenta Złučanych Štataŭ Donalda Trampa, zapłanavanaj na 20 studzienia. Adpaviedny ŭkaz vydała jaho pierachodnaja kamanda, paviedamlaje The New York Times sa spasyłkaj na krynicy ŭ dypłamatyčnych kołach. Pra heta piša DW.
Pakinuć svaje pasady pavinny buduć pasły, pryznačeńnie jakich było palityčna matyvavanym. Dadzieny zahad, piša NYT, staŭ pieršym za dziesiacihoddzi precedentam, kali dypłamatam nie daduć adterminoŭki pierad zvalnieńniem. Zvyčajna pavodle pahadnieńnia pamiž administracyjami novaha i staroha kiraŭnikoŭ dziaržavy pasły pierad sychodam u adstaŭku mohuć zastavacca na pasadzie ad niekalkich tydniaŭ da niekalkich miesiacaŭ, asabliva kali ŭ ich jość dzieci školnaha ŭzrostu.
Jak paviedamili surazmoŭcy vydańnia, va ŭkazie havorycca ab tym, što pasty pavinny pakinuć usie nazvanyja ŭ śpisie pasły biez vyklučeńniaŭ. Tym samym, pakul Sienat nie zacvierdzić novych pasłoŭ, Złučanyja Štaty zastanucca biez dypłamatyčnych pasłańnikaŭ ŭ takich važnych krainach, jak Hiermanija, Kanada ci Vialikabrytanija.
Pryznačanyja pa palityčnych pryčynach pasły amal zaŭsiody sychodziać u adstaŭku pry źmienie prezidenta ZŠA. U ciapierašni čas ich kolkaść, pavodle acenak amierykanskaha abjadnańnia dypłamataŭ AFSA, składaje prykładna treć ad ahulnaha dypłamatyčnaha korpusa Złučanych Štataŭ.