SK: Dalnabojščyk, jaki źbiŭ kiroŭcu evakuatara, razmaŭlaŭ za rulom pa telefonie

20.01.2017 / 21:17

Supracoŭniki śledstva zaviaršyli rasśledavańnie kryminalnaj spravy ab śmiarotnym najeździe na kiroŭcu evakuatara. Infarmacyju pra heta padali va USK pa Minskaj vobłaści.

Fota SK

Incydent adbyŭsia ŭ načny čas sutak 16 vieraśnia 2016 hoda na trasie M1, niedaloka ad nasielenaha punkta Smolnica. 29-hadovy žychar Viciebskaj vobłaści, znachodziačysia za rulom aŭtapojezda Volvo, źbiŭ mužčynu, jaki stajaŭ kala hruzavoha aŭtamabila-evakuatara Iveso. Paciarpiełaha špitalizavali, ale ad atrymanych traŭmaŭ jon pamior u miedustanovie.

U chodzie rasśledavańnia było vyjaŭlena, što kiroŭca aŭtapojezda moh paźbiehnuć sutyknieńnia, adnak prajaviŭ niaŭvažlivaść i adciahnuŭsia na razmovu pa telefonie. Pry hetym zahinuły kiroŭca evakuatara byŭ apranuty ŭ śviatłoadbivalnuju kamizelku, a jaho aŭtamabil padavaŭ śvietłavyja avaryjnyja sihnały, pakul mužčyna ažyćciaŭlaŭ svaju pracu.

Kiroŭca aŭtapojezda byŭ abvinavačany pa č. 2 art. 317 KK Biełarusi. Na dadzieny momant mužčyna znachodzicca pad padpiskaj ab niavyjeździe. Sprava ŭ chutkim časie budzie pieradadzienaja ŭ sud.

BiełTA