Tenis. Biełaruś vyjhrała ŭ Rumynii ŭ matčy Kubka Devisa

05.02.2017 / 16:09

Mužčynskaja zbornaja Biełarusi pa tenisie ź likam 3:2 pieramahła kamandu Rumynii ŭ matčy pieršaha koła 1-j hrupy Jeŭra-Afrykanskaj zony Kubka Devisa. Sustreča prajšła 3-5 lutaha ŭ Minsku.

U vyrašalnym pajadynku druhi numar haspadaroŭ Jahor Hierasimaŭ (341-je miesca ŭ rejtynhu ATP) vyjhraŭ u druhoha numara haściej Adryjana Unhura (313) - 7:6 (7:5), 6:4, 6:4.

Pierad hetym, u pieršaj sustrečy zaklučnaha dnia matču, lidar biełaruskaj zbornaj u adzinočnym razradzie Illa Ivaška (175) sastupiŭ pieršaj rakietcy supiernikaŭ Maryusu Kopiłu (129) - 5:7, 4:6, 1:6.

U druhim kole (7-9 krasavika) biełaruskija tenisisty sustrenucca z Aŭstryjaj. Niezaležna ad vyniku matča jany zachavajuć miesca ŭ 1-j hrupie JEAZ, kudy viarnulisia pa vynikach vystupaŭ u minułym siezonie.

BiełaPAN