Parašenka daručyŭ źmianić status Kryma ŭ kanstytucyi
29.06.2017 / 14:25
Prezident Ukrainy Piatro Parašenka daručyŭ Kanstytucyjnaj kamisii źmianić status paŭvostrava Krym u składzie Ukrainy. Pra heta ŭ efiry «5 kanała» paviedamiŭ narodny deputat Viarchoŭnaj rady ad «Radykalnaj partyi» i člen Kanstytucyjnaj kamisii Juryj Čyžmar.
«Što tyčycca siońnia, to my pracujem tolki pa statusie Kryma, bo zrazumieli, što na siońniašni dzień Aŭtanomnaja Respublika Krym nie moža ŭžo isnavać u składzie unitarnaj dziaržavy», — skazaŭ Čyžmar.
Pry hetym jon nie ŭdakładniŭ, jakim budzie status Krymu paśla ŭniasieńnia papravak.
Parašenka 26 červienia zajaviŭ, što ukraincaŭ i krymskich tataraŭ abjadnoŭvaje imknieńnie viarnuć Krym pad jurysdykcyju Ukrainy. «Nieŭzabavie našy ściahi buduć łunać horda ŭ volnym ŭkrainskim Krymie», — skazaŭ jon.