Iłan Mask nazvaŭ hałoŭnuju pahrozu dla čałaviectva
17.07.2017 / 21:41
Hienieralny dyrektar Tesla Iłan Mask nazvaŭ štučny intelekt «najbolšaj pahrozaj, ź jakoj my sutykniomsia jak cyvilizacyja», piša časopis Fortune.
Reuters
«Na froncie štučnaha intelektu ŭ mianie jość dostup da samaha pieradavoha ŠI, i ja dumaju, što ludzi pavinny być sapraŭdy zaniepakojenyja hetym», — adznačyŭ Mask.
Na jaho dumku, raspracoŭščyki ŭ pahoni za bolš pieradavymi technałohijami mohuć zabycca pra tyja niebiaśpieki, jakija zychodziać ad štučnaha intelektu.
«Robaty mohuć pačać vajnu, vypuskajučy fejkavyja naviny i pres-relizy, padrablajučy ulikovyja zapisy elektronnaj pošty i manipulujučy infarmacyjaj. Piaro macniejšaje za mieč», — padkreśliŭ jon. Inžynier ličyć, što ŭ dadzienaj vobłaści nieabchodnaje dziaržaŭnaje rehulavańnie, jakoje budzie strymlivać kampanii ŭ pahoni za ŭsio bolš daskanałym štučnym intelektam.