Японцы даставілі на МКС дрона-памочніка
Японскае аэракасмічнае агенцтва JAXA распрацавала для касманаўтаў на МКС дрона-памочніка па імені Int-Ball. Навінку ўжо даставілі на касмічную станцыю з дапамогай карабля Dragon кампаніі SpaceX.
18.07.2017 / 13:37
Па сценах японскага адсека Kibo астранаўты расклеілі спецыяльныя знакі. З іх дапамогай Int-Ball арыентуецца ў прасторы і знаходзіць іх дзякуючы спецыяльнай скануючай камеры. Робат таксама мае два вялікіх вока, паміж якімі размешчана камера для здымання рознага відэа, якое раней здымалі самі касманаўты. А перамяшчаецца гаджэт з дапамогай дванаццаці ўбудаваных у корпус вентылятараў. Int-Ball можна запраграмаваць з МКС, а можна кіраваць нават з Зямлі.