Ciapier na parenčach eskałataraŭ nie budzie mikrobaŭ. Vynajdzieny sposab dezynfiekcyi

Zaŭsiody dumajecie pra toje, kolki mikrobaŭ mohuć źmiaščać parenčy eskałataraŭ? Paŭdniovakarejskaja kampanija LG prydumała sposab, jak chutka i biaśpiečna ačyścić ich ad mikrobaŭ na 99,99%.

18.07.2017 / 13:14

Kampanii LG Innotek i Clearwin abjadnalisia, kab vyrašyć hetuju prablemu, i stvaryli pryładu, jakaja zmoža źniščyć amal usie mikroby na parenčach eskałataraŭ.

Raspracoŭščyki śćviardžajuć, što heta pieršy pradukt takoha kštałtu ŭ śviecie. Jon pracuje pa pryncypie ultrafijaletavaha bakterycydnaha apramieńvańnia (UVGI). Pryłada błakuje lubyja krynicy raspaŭsiudžvańnia infiekcyi, całkam rujnujučy DNK mikrobaŭ.

Pryłada samastojna pieratvaraje enierhiju ruchu parenčaŭ u elektraenierhiju, takim čynam zabiaśpiečvajučy sabie bieśpierabojnuju pracu. Lampa, jakaja ŭvieś čas dezynfikuje parenčy padčas ruchu eskałatara, absalutna biaśpiečnaja dla čałavieka. Termin jaje słužby — pryblizna 10 000 hadzin.