U rasijskim horadzie na 600 tysiač čałaviek uračysta adkryli kałonku z vadoj FOTAFAKT
Apošnija dziesiać hadoŭ žycharam vulic Špalnaja i Strajavaja ŭ Tomsku padvozili vadu dva razy na tydzień u cysternach, tamu adkryćcio kałonki dla ich — padzieja.
27.08.2017 / 09:47
Adkryćcio kałonki. Fota tomsk.ru.
Raniej u žycharoŭ vulic byŭ svoj kałodziež, adnak vada ŭ im sapsavałasia i stała karyčnievaj.
Na dźviuch vulicach znachodziacca 78 pryvatnych damoŭ. Ciapier žychary narešcie zmohuć padklučycca da sietak i pravieści vodazabieśpiačeńnie.
Fota tomsk.ru.
Va ŭračystym adkryćci kałonki brali ŭdzieł mer horada Ivan Klajn i staršynia haradskoj dumy Siarhiej Panoŭ.
«Doŭhi čas ludzi mieli ciažkaści nie tolki z padvozam vady, ale i padviarhali siabie niebiaśpiecy ŭ vypadku pažaru. U damach pakul jašče niama vady, ale na vulicach jana ŭžo jość. U hetym rajonie znachodziacca 29 kałodziežaŭ, ź jakich možna padklučać vadu ŭ damy», — skazaŭ Klajn.