Kitajcam zabaranili adkryvać biznes z Paŭnočnaj Karejaj
Ministerstva handlu Kitaja abviaściła ab zabaronie na adkryćcio novych biznes-prajektaŭ z KNDR. Rašeńnie było pryniata ŭ miežach vykanańnia rezalucyi Rady biaśpieki AAN ab uviadzieńni novych sankcyj suprać Paŭnočnaj Karei, paviedamlaje «Svaboda».
27.08.2017 / 11:24
U zajavie, apublikavanaj na sajcie ministerstva, havorycca, što rašeńnie nabyvaje siłu nieadkładna. Adkryćcio novych supolnych pradpryjemstvaŭ, firmaŭ abo kampanij, dola ŭ jakich naležyć hramadzianam Paŭnočnaj Karei, z hetaha času stanie ŭ Kitai niemahčymym.
Adnačasova ministerstva paviedamiła pra toje, što pad zabaronu traplajuć i lubyja inviestycyi, zroblenyja kitajskimi kampanijami ŭ pradpryjemstvy Paŭnočnaj Karei.
Rada biaśpieki AAN uviała novyja sankcyi suprać KNDR u pačatku žniŭnia. Rašeńnie stała adkazam na zapusk novaj mižkantynientalnaj balistyčnaj rakiety, praviedzieny Pchieńjanam u lipieni. Sankcyi majuć prymusić ułady Paŭnočnaj Karei admovicca ad prahram pa stvareńni jadziernaj zbroi i balistyčnych rakiet.