Галоўны трэнер зборнай: Хочацца праваліцца ад сораму
03.09.2017 / 21:38
abff.by
Галоўны трэнер зборнай Беларусі Ігар Крывушэнка пракаментаваў паражэнне ад Швецыі (0:4) у рамках кваліфікацыі ЧС-2018.
— Шчыра кажучы, тут шмат не скажаш. Хочацца праваліцца ад сораму. Не ведаю, якое пачуццё ў людзей, якія гэта зрабілі. Але я адчуваю сорам, бо выхаваны так.
Гульцы зборнай не павінны такія памылкі дапускаць. Яны нас прыбілі, і ўсё скончылася. Не магу сказаць, што ў хлопцаў не было жадання. Ім хацелася пасля Люксембурга згуляць годна. Але атрымалася так, як атрымалася.
— Няма жадання ўсё кінуць?
- Ёсць кантракт, які я павінен выканаць. Хоць я адчуваю непрыемныя пачуцці, якія не перадаць словамі, - сказаў Крывушэнка на прэс-канферэнцыі.