Razburalny ŭrahan «Irma» nabližajecca da Fłarydy. Tramp: «Błasłavi nas, Boža!»
10.09.2017 / 08:26
Prykmiety ŭrahanu pačali adčuvacca ŭ Majami
Štarmavy viecier i zaleva abrynulisia na poŭdzień štata Fłaryda, u toj čas jak da paŭvostrava nabližajecca razburalny ŭrahan «Irma».
Na ŭźbiarežžy raście ŭzrovień vady, čakajecca, što ŭrahan pryviadzie da zatapleńnia rajonaŭ, jakija znachodziacca ŭ nizinie.
Miascovyja ŭłady zahadali evakujavacca 6,3 młn žycharam — heta bolš za čverć ŭsiaho nasielnictva Fłarydy.
U subotu ŭviečary hubiernatar štata Ryk Skot papiaredziŭ, što čas dla evakuacyi ŭžo prajšoŭ — žycharam Fłarydy zahadana pakinuć svaje damy i adpravicca ŭ schovanki, a taksama paźbiahać padarožžaŭ pa darohach.
Pavodle jaho słoŭ, ciapier užo zanadta pozna pakidać zony ryzyki.
Mahutnaść «Irmy» u subotu była źnižana ź piataj katehoryi da treciaj, adnak sinoptyki aścierahajucca, što kali ŭrahan dasiahnie Fłarydy, jaho mahutnaść znoŭ vyraście da maksimalnaj katehoryi. Pakul chutkaść vietru składaje kala 193 km u hadzinu.
«Bierahavaja achova ZŠA, FEMA i ŭsie advažnyja supracoŭniki fiederalnych viedamstvaŭ i na ŭzroŭni štataŭ hatovyja. «Irma» na padychodzie. Błasłavi nas, Boža», - napisaŭ Donald Tramp u svaim tvitary.