У Мінску адкрываюцца бясплатныя курсы ўкраінскай мовы
Іх запускае амбасада Украіны пры падтрымцы Таварыства беларускай мовы.
11.09.2017 / 17:49
Старшыня ТБМ Алег Трусаў у размове з «Нашай Нівай» падкрэсліў, што менавіта беларускі бок ініцыяваў арганізацыю такіх курсаў у Мінску.
«У нас ужо існуюць курсы польскае мовы праз беларускую, таму мы вырашылі прапанаваць новаму ўкраінскаму амбасадару арганізаваць такія ж курсы ўкраінскай. Яны з радасцю пагадзіліся і нават адшукалі выкладчыка, які добра валодае і беларускай, і ўкраінскай мовамі», — распавёў спадар Трусаў.
Бясплатныя заняткі пачнуцца 6 кастрычніка і, як плануецца, будуць праходзіць штопятніцу з 18:00 да 19:30 ў офісе ТБМ па вуліцы Румянцава, 13.
Запісацца на курсы і атрымаць больш дэтальную інфармацыю можна па тэлефонах:
- +375 29 605 56 35 (выкладчык)
- +375 17 263 85 11 (ТБМ)