Мінабароны Расіі заявіла, што па трывозе падняла танкавую армію для перакідання ў Беларусь
14.09.2017 / 11:26
ria.ru
Мінабароны Расіі апублікавала відэа з пачатку вучэнняў «Захад -2017». На кадрах можна ўбачыць ўзняцце па трывозе бранятанкавых падраздзяленняў расійскай арміі, а таксама прывядзенне ў баявую гатоўнасць войскаў СПА і ВКС.
Вучэнні пачаліся з таго, што асабовы склад злучэння 1-ай гвардзейскай танкавай арміі, дыслакаванай у Падмаскоўі са штатным узбраеннем і тэхнікай здзейсніў марш на чыгуначную станцыю, пасля чаго воінскім эшалонам на працягу сутак будзе перакінуты ў раён правядзення вучэнняў на тэрыторыю Беларусі, паведамляе ria.ru.
Расійскім танкістам сумесна з беларускімі калегамі трэба будзе адпрацаваць пытанні ўзаемадзеяння і ўсебаковага забеспячэння войскаў, сучасныя падыходы баявога прымянення падраздзяленняў пры вядзенні барацьбы з НУФ і дыверсантамі праціўніка.