Prakuratura: Pralak pryniaŭ cyjanisty kalij u Haahskim trybunale

02.12.2017 / 09:24

Były hienierał baśnijskich charvataŭ Słabadan Pralak pamior ad atručvańnia cyjanistym kalijem, da takoj papiaredniaj vysnovy pryjšli hałandskija patołahaanatamy paśla ŭskryćcia.

Asudžany na 20 hadoŭ turmy za vajennyja złačynstvy Pralak prahłynuŭ vadkaść padčas słuchańniaŭ u Haahskim trybunale pa jaho apielacyjnaj skarzie.

Pra vysnovy patołahaanatamaŭ u piatnicu paviedamiła prakuratura Niderłandaŭ. Užyvańnie jadu pryviało da sardečnaj niedastatkovaści, «što pakazana jak mierkavanaja pryčyna śmierci», skazana ŭ paviedamleńni.